Дата дня
23 чэрвеня 2020 году ў Менску адбыўся масавы „хапун“ у чарзе да крамы Symbal.by. Крама была папулярным месцам продажу беларускай патрыятычнай атрыбутыкі. Пазьней улады асудзілі кіраўніка крамы Паўла Белавуса, якога асудзілі на 13 гадоў зьняволеньня.
ГЛЯДЗІЦЕ ТАКСАМА: Заснавальніку Symbal.by Белавусу прысудзілі 13 гадоў калёніі. Яго вінавацілі ў «распаўсюдзе ідэй беларускага нацыяналізму»Таксама ў гэты дзень
930 ― скліканы найстарэйшы зь дзейных сёньня парлямэнтаў ― ісьляндзкі Альтынг.
1758 — кароль і вялікі князь Станіслаў Ляшчынскі надаў Ушачам Магдэбурскае права і герб.
1812 — Войскі Напалеона I Банапарта ўварваліся ў Расейскую імпэрыю.
1846 ― Адольф Сакс атрымаў патэнт на саксафон.
Саксафон
1865 — завяршылася Грамадзянская вайна ў ЗША.
1894 ― утвораны Міжнародны алімпійскі камітэт (МАК). Гэта адбылося ў Парыжы з ініцыятывы П’ера дэ Кубэртэна.
П'ер дэ Кубэртэн
1917 ― Першы Ўнівэрсал (асноўны закон) прыняты ўкраінскай Радай, ім абвешчаная незалежнасьць Украіны.
1941 — пачалася нямецкая акупацыя Беластоку.
1944 — савецкія войскі пачалі апэрацыю «Багратыён», у выніку якой тэрыторыя Беларусі была вызваленая ад нацысцкай акупацыі. З абодвух бакоў бралі ўдзел больш за 4 мільёны чалавек, больш за 7 тысяч танкаў і столькі ж самалётаў, а таксама 62 тысячы гармат.
1946 — беларускімі інтэлектуаламі-эмігрантамі ў Рэгенсбургу (Нямеччына) заснавалі Крывіцкае (Беларускае) навуковае таварыства.
1991 ― Малдова абвясьціла незалежнасьць.
1991 — створана Беларускае згуртаваньне татар-мусульман „Зікр уль-Кітаб“.
ГЛЯДЗІЦЕ ТАКСАМА: Улады закрываюць таварыства беларускіх татар «Зікр уль-Кітаб». Чым яно вядомае?1994 — адбыўся першы тур выбараў прэзыдэнта Беларусі. У выбарах прынялі ўдзел Аляксандар Дубко — старшыня Саюзу аграрнікаў, Вячаслаў Кебіч — прэм’ер-міністар Беларусі, Аляксандар Лукашэнка — дэпутат Вярхоўнага Савету Беларусі, Васіль Новікаў — сакратар ЦК ПКБ, Зянон Пазьняк — лідэр Беларускага Народнага Фронту «Адраджэньне», Станіслаў Шушкевіч — былы старшыня Вярхоўнага Савету Беларусі. У першым туры перамог Лукашэнка з 44,82 % галасоў, другое месца заняў Кебіч з 17,33 %, трэцяе было ў Пазьняк з 12,82 %, далей ішлі Шушкевіч (10,0 %), Дубко (6,0 %), Новікаў (5,0 %). Другі тур выбараў адбыўся 10 ліпеня.
2016 — грамадзяне Вялікай Брытаніі на агульнанацыянальным рэфэрэндуме прагаласавалі за выхад каралеўства з Эўрапейскага Зьвязу.
Мітынг прыхільнікаў Брэксыту, Лёндан, чэрвень 2016
У гэты дзень нарадзіліся
1777 ― Язэп Аляшкевіч, беларускі мастак.
1889 ― Ганна Ахматава, расейская паэтка, пісьменьніца, літаратуразнаўца, літаратурны крытык, перакладчыца.
Ганна Ахматава
1912 — Алан Матысан Тʼюрынг, ангельскі матэматык, распрацоўшчык першых вылічальных машын. Яго працы паслужылі асновай для стварэньня сучасных ЭВМ.
Алан Матысан Т'юрынг
1938 — Юры Хадыка, навуковец, мастацтвазнаўца, удзельнік нацыянальна-культурніцкага руху 1970–1980-х і нацыянальна-дэмакратычнага руху 1980-х – пачатку ХХІ стагодзьдзя, адзін зь першых палітвязьняў у гісторыі незалежнай Беларусі.
Юры Хадыка ў СІЗА на вуліцы Валадарскага ў Менску, травень 1996. Фота з газэты «Свабода»
1964 — Юрась Ляўкоў, музыка, бас-гітарыст легендарнага гурта „Мроя“-N.R.M.
У памяці
79 — Вэспасіян, рымскі імпэратар.
1933 — Мікалай Шамяціла, япіскап, ахвяра сталінскіх рэпрэсій.
1941 — у менскай турме загінуў Мікола Байкоў, мовазнавец і літаратуразнавец.
1947 ― Уладзімер Пічэта, беларускі і расейскі гісторык, выкладчык, першы рэктар БДУ, акадэмік АН БССР, акадэмік АН СССР.
Уладзімер Пічэта
1956 — Марцін Кухта, выдавец беларускай пэрыёдыкі і кніг.
1967 ― Мікола Дзямідаў, беларускі вайсковы і грамадзка-палітычны дзеяч. Памёр у Чыкага.